Kryetari i Komunës së Prishtinës, Përparim Rama, ka theksuar rëndësinë e rolit të grave në ndërtimin e paqes, dialogut dhe zhvillimit të qëndrueshëm, gjatë pjesëmarrjes në Konferencën Rajonale për Dialogun dhe Paqen.
Sipas Ramës, fuqizimi i grave, bashkëpunimi dhe krijimi i mundësive të barabarta janë bazë për ndërtimin e një rajoni më të sigurt dhe më të drejtë.
Ai ka shtuar se ky vizion po zbatohet edhe në Kryeqytet përmes mësimit tërëditor, subvencionimit të çerdheve, investimeve në hapësira publike dhe politikave që mbështesin familjet dhe forcojnë komunitetin.
