Policia australiane nisi një hetim për vrasje pas zbulimit të një valixheje që brenda saj kishte atë që dukej si një trup i pajetë. Por vetëm disa orë më vonë, hetimi mori një kthesë të pazakontë.
Valixhen e gjetën dy burra në anë të një rruge, pranë fshatit të vogël Oallen, rreth 230 kilometra në jugperëndim të Sidneit.
Policia njoftoi fillimisht nisjen e hetimeve për një vrasje, pasi pamja e përmbajtjes së valixhes ngriti dyshime serioze. Megjithatë, ekzaminimet mjekoligjore zbuluan se “viktima” nuk ishte një person, por një kukull.
Sipas policisë, kukulla kishte veshur rroba, kishte flokë dhe një vath në hundë. Ajo kishte gjithashtu shenja që ngjanin me mavijosje dhe gërvishtje, duke e bërë situatën edhe më të besueshme në pamje të parë.
Një zyrtare policie tha se ekipet e kriminalistikës dhe hetuesit shkuan në vendngjarje dhe ndoqën të gjitha procedurat e nevojshme. Ajo e zbulimin si mjaft tronditës, por theksoi se nuk kishte asnjë pendesë për mënyrën se si policia e trajtoi rastin.
Pas konfirmimit se objekti në valixhe ishte një kukull dhe jo një trup njeriu, hetimi për vrasje u mbyll. /Panorama
The post Ngjarja që alarmoi Australinë/ Gjendet një “kufomë” në valixhe, por rezultoi se ishte një kukull appeared first on Gazeta Express.
