Agjencia e Statistikave të Kosovës (ASK) ka publikuar Llogaritë Qeveritare për tremujorin e parë (TM1) 2026. Ky publikim paraqet pasqyrën e të hyrave dhe shpenzimeve qeveritare brenda kësaj periudhe.
Rriten të hyrat dhe shpenzimet e Qeverisë në TM1 2026, krahasuar me TM1 2025
“Gjithsej të hyrat e Qeverisë në TM1 2026 ishin 841.8 milionë Euro, derisa në periudhën e njëjtë të vitit të kaluar (TM1 2025) të hyrat e Qeverisë ishin 687.9 milionë Euro”, njofton ASK.
Pjesën më të madhe të të hyrave e përbëjnë: Tatimet në produkte që paraqesin rreth 68 %; Tatimet rrjedhëse në të ardhura paraqesin rreth 17 %; Aktivet dhe detyrimet financiare paraqesin rreth 7 %, ndërsa pjesa e mbetur është shpërndarë në kategori të tjera të të hyrave.
Shpërndarja e të hyrave të Qeverisë së Përgjithshme bazuar në ESA2010
Gjithsej, sipas AsK-së, shpenzimet e Qeverisë në TM1 2026 ishin 792.0 milionë Euro, ku krahasuar me periudhën e njëjtë të vitit të kaluar (TM1 2025), shpenzimet e Qeverisë ishin 703.2 milionë Euro.
ASK njofton se pkesën më të madhe të shpenzimeve e përbëjnë: Kompensimi i punëtorëve me rreth 38 %; Kontributet sociale dhe përfitimet me rreth 31 %; Konsumi i ndërmjetëm me rreth 12 %; ndërsa pjesa e mbetur e shpenzimeve është shpërndarë në kategori të tjera të shpenzimeve.
