Në ambientet e jashtme të Parlamentit të Shqipërisë po zhvillohet protestë, teksa para pak minutash ka pasur edhe tensione mes protestuesve dhe Policisë.
Siç raportojnë mediat në Shqipëri, Policia është përleshur me protestuesit, kjo pasi protestuesit kanë tentuar të thyejnë kordonin policor.
Policia u bën thirrje protestuesve që të lirojnë rrugën, ndërsa këta të fundit nuk pranojnë që të zhvendosen.
Një ofensivë e policisë për të arrestuar disa prej protestuesve ka ndezur situatën, teksa janë shoqëruar me forcë disa persona.
Kujtojmë se prej kohësh, në rrugët e Tiranës vazhdojnë protestat kundër qeverisë.
