Agjencia Ndërkombëtare e Energjisë (IEA) ka paralajmëruar se rezervat globale të naftës po zvogëlohen me ritëm të shpejtë si pasojë e ndërprerjeve të furnizimit të shkaktuara nga lufta me Iranin, duke rritur rrezikun për rritje të reja të çmimeve të naftës raporton CNN.
Në raportin mujor të publikuar të mërkurën, IEA tha se “bota po shpenzon rezervat e naftës me ritëm rekord”, ndërsa vendet importuese po përballen me probleme të mëdha në furnizimin nga Lindja e Mesme.
Sipas raportit, rezervat globale ranë për 246 milionë fuçi vetëm nga marsi në prill, duke zbritur në 7.9 miliardë fuçi. Humbjet e furnizimit nga Ngushtica e Hormuzit tashmë kanë kaluar mbi 1 miliard fuçi.
IEA theksoi se sektori petrokimik po goditet më së shumti, duke ndikuar në prodhimin e plastikës, plehrave kimike dhe barnave. Po ashtu, numri i fluturimeve në mbarë botën ka rënë ndjeshëm për shkak të çmimeve të larta të karburantit.
Agjencia uli parashikimin për kërkesën globale të naftës këtë vit në 104 milionë fuçi në ditë, rreth 1.3 milionë më pak se parashikimet para nisjes së luftës.
The post Rezervat globale të naftës po shterojnë me shpejtësi, paralajmëron IEA appeared first on Gazeta Express.
