Mesazhet kundër drogës këtë herë nuk u thanë me fjalë, por me figura.
Në shkollën “Çesk Zadeja” në Ferizaj, nxënësit përdorën artin për të treguar pasojat që lënë substancat narkotike tek të rinjtë.
Përmes pikturave të realizuara nga vetë ata, u paraqit, varësia dhe përpjekja për të dalë nga errësira.
Mesazhi ishte i qartë që në hyrje.
(Çdo punim përcillte një mesazh të ndryshëm mbi pasojat e drogës.
“Përmes kësaj pikture kena desht me shpreh dhimbjen e një njeriut që mban personin tjetër i cili është i varur nga droga. Në këtë pikturë ka shumë dhimbje”, thotë Vlora Avdyli – nënëse në shkollën “Çesk Zadeja”
Përmes një tjetër punimi u paraqit edhe përpjekja për të dalë nga varësia.
“Ky është një pendores i drogave edhe është tu u përpiq që me dal prej zakonit të keq që ka, kjo simbolizon dritën që me ik prej errësirës”, thotë Kolos Gashi.
Ndërsa një tjetër pikturë simbolizonte anën më të errët të substancave narkotike.
“Me pikturën time kam dashtë me paraqit anën e errët të drogave ku e kom paraqit kokainën dhe duhanin dhe kafkën që simbolizon vdekjen”, tha Tuana Dashi
Ky aktivitet u organizua në kuadër të projektit “Errësira në Dritë”, i iniciuar nga Policia e Kosovës.
“Projekti errësira në dritë ka pas qellim që me ketë projekt të njoftohen nxënësit e shkollave të mesme dhe të ulët mbi pasojat e përdoruesve të substancave narkotike. Me këtë projekt iniciuar nga policia dhe realizuar nga policia sektoriale e stacionit policor Ferizaj ne mendojmë qe kemi pas një efekt pozitiv”, tha Nehat Suma- shef i stacionit policor në Ferizaj.
Nga drejtoria e shkollës, kjo formë e vetëdijesimit po vlerësohet si mënyrë më e afërt për të përcjellë mesazhe tek të rinjtë.
“Ne si shkollë jemi falënderues Policisë së Kosovës e cila ka ardh në shkollën tonë me një projekt të tillë vetdijues, normalisht që përzgjedhja e shkollës sonë ka qenë e duhur për shkak qe ne ketu krijojmë, pikturojmë edhe krejt e dimë që menyra ma e lehtë me u përcjell mesazhi është permes veprave artistike”, tha Prnvera Sylejmnai –drejtoresh e shkollës.
Në fund të aktivitetit u ndanë edhe çmime për punimet më të mira.
Ku Tuana Dashi mori vendin e parë me një mirënjohje nga Policia e Kosovës.
Ndërsa pikturat e realizuara nga nxënësit do të ekspozohen edhe në nivel vendi.
