Tregjet financiare u rritën, ndërsa çmimet e naftës ranë pas raportimeve se Shtetet e Bashkuara dhe Irani kishin rënë dakord në parim për të zgjatur armëpushimin, duke shtuar shpresat për një ulje të qëndrueshme të tensioneve në konflikt.
Aksionet evropiane ishin kryesisht në rritje të premten, ndërsa çmimet e naftës shënuan rënie, pasi investitorët u inkurajuan nga pritjet për një marrëveshje mes SHBA-së dhe Iranit për zgjatjen e armëpushimit në luftë për 60 ditë.
Të enjten, negociatorët amerikanë dhe iranianë arritën një marrëveshje të përkohshme për të zgjatur armëpushimin dhe për të zhvilluar një raund të ri bisedimesh mbi programin bërthamor të Iranit, tha një zyrtar amerikan.
Irani ende nuk e ka konfirmuar publikisht marrëveshjen, ndërsa ajo pret miratimin përfundimtar nga presidenti amerikan Donald Trump.
Çmimet e naftës ranë në nivelin më të ulët të një muaji, falë optimizmit për uljen e tensioneve, por mbetën mbi nivelet para nisjes së luftës, pasi Ngushtica e Hormuzit vazhdon të mbetet kryesisht e mbyllur. Nafta Brent tregtohej rreth 70 dollarë për fuçi në fund të shkurtit, para fillimit të konfliktit.
Çmimet e naftës ranë në nivelin më të ulët të një muaji, falë optimizmit për uljen e tensioneve, por mbetën mbi nivelet para nisjes së luftës, pasi Ngushtica e Hormuzit vazhdon të mbetet kryesisht e mbyllur. Nafta Brent tregtohej rreth 70 dollarë për fuçi në fund të shkurtit, para fillimit të konfliktit.
Investitorët po ndjekin gjithashtu nga afër mundësinë e rihapjes së Ngushticës së Hormuzit. Sipas zyrtarit amerikan, marrëveshja e përkohshme parashikon që Irani të mos vendosë tarifa për anijet që kalojnë nëpër ngushticë, ndërsa SHBA-ja gradualisht do të lehtësojë bllokadën detare ndaj porteve iraniane.
“Tregu i naftës po vazhdon të lëvizë në rënie mes optimizmit në rritje se SHBA-ja dhe Irani po afrohen drejt një marrëveshjeje”, shkruan strategët e mallrave të ING, Warren Patterson dhe Ewa Manthey.
“Rihapja e ngushticës do të sillte lehtësim të menjëhershëm për tregun e naftës, me cisternat që do të largoheshin nga Gjiri Persik. Megjithatë, rikuperimi mbetet ende i pasigurt.” Të premten, kontratat ndërkombëtare të naftës Brent ranë me më shumë se 1%, duke arritur në 92.5 dollarë për fuçi.
Në të njëjtën kohë, çmimi i naftës amerikane West Texas Intermediate për dorëzimet më të afërta ra me gati 1.7%, në 87.40 dollarë për fuçi. Analistët paralajmëruan se çdo zgjatje e mundshme e armëpushimit duhet parë me kujdes, pasi do të duhet kohë që furnizimet me naftë të rikuperohen plotësisht, shkruan Euronews.
The post Nafta bie, tregjet shënojnë rritje, pas optimizmit për armëpushimin SHBA-Iran appeared first on Gazeta Express.
