Tom Cruise vazhdon të konsiderohet njaë nga pretendentët kryesorë për nominimin për aktorin më të mirë në Oscar, pavarësisht performancës së dobët të filmit ‘Digger’ në kinema.

Sipas parashikimeve të Gold Derby, aktori 64-vjeçar aktualisht renditet në pesëshen kryesore për një nominim.

Përpara tij janë John Malkovich për Wild Horse Nine, Matt Damon për The Odyssey, Andrew Scott për Elsinore dhe Robert Pattinson për Primetime.

Nëse nominohet, kjo do të ishte një tjetër mundësi për Cruise për të fituar Oscar-in e parë në karrierë.

Ai është nominuar më herët për Born on the Fourth of July, Jerry Maguire dhe Magnolia, por nuk ka arritur të triumfojë.

Ndërkohë, Digger ka pasur një nisje zhgënjyese në arkë, duke fituar vetëm 8 milionë dollarë (7.15 milionë euro) në SHBA gjatë fundjavës së parë, pavarësisht një buxheti të raportuar prej më shumë se 160 milionë dollarësh (rreth 143 milionë euro).

Megjithatë, Cruise ka vazhduar ta promovojë filmin dhe ka deklaruar se nuk e gjykon suksesin e një filmi vetëm nga rezultatet e fundjavës së parë.

Edhe pse filmi ka ndarë kritikët për shkak të satirës së tij politike, gjatë ditëve të fundit ka marrë vlerësime pozitive nga disa media prestigjioze.

Gold Derby parashikon gjithashtu se Digger mund të sigurojë nominime në kategori të tjera, përfshirë kinematografinë. /Telegrafi/