Në Galerinë Kombëtare të Kosovës QAFA, sonte nga ora 19:00, hapet ekspozita e parë personale e artistes Bora Baboçi, me titull “Imazhe Migruese”, e kuruar nga Erëmirë Krasniqi.

“Imazhe Migruese” shqyrton mënyrën se si imazhet qarkullojnë mes materialeve, konteksteve dhe kushteve të ndryshme të dukshmërisë. Në një ekonomi të së dukshmes, imazhi, i sjellë në pah përmes lëvizjes, shpesh gjendet mes ekspozimit dhe fshehjes, mes mundësisë për t’u parë dhe largimit prej saj.

Në këtë ekspozitë, Baboçi i qaset këtyre trajektoreve migruese duke vështruar nga afër mënyrën se si imazhet mbyllen, mbahen pezull dhe aktivizohen teksa kalojnë nga një material në tjetrin.

Ekspozita do të qëndrojë e hapur për publikun deri më 11 dhjetor 2026. /KlanKosova.tv