Personi i dyshuar për sulmin me armë në shkollë, ku humbën jetën disa persona të premten, ka vdekur pasi ia drejtoi armën vetes, ka bërë të ditur kryeministri i Tajlandës, Anutin Charnvirakul.
“Konfirmoj se ai vendosi t’i japë fund jetës së tij”, u tha Anutin gazetarëve.
I dyshuari më herët ishte në gjendje kritike pas të shtënave në shkollën Debsirin Nonthaburi, pranë Bangkokut, ndërsa mjekët po i ofronin trajtim urgjent.
Të paktën shtatë persona kanë humbur jetën në Tajlandë, pasi një djalë adoleshent qëlloi me armë gjyshërit e tij dhe disa mësues të shkollës.
Mbi 30 persona të tjerë janë plagosur, ndërsa nëntë prej tyre janë në gjendje të rëndë, ka bërë të ditur kryeministri Anutin Charnvirakul.
The post I dyshuari për të shtënat në një shkollë ka vdekur, thotë kryeministri i Tajlandës appeared first on Gazeta Express.
