Policia e Pukës ka finalizuar operacionin e koduar “Arsti”, duke goditur një rast të kultivimit të bimëve narkotike në fshatin Arst.
Si rezultat i kontrolleve intensive dhe hetimeve me metoda proaktive, shërbimet e Komisariatit të Policisë Pukë kanë zbuluar 130 bimë të dyshuara narkotike Cannabis Sativa, të kultivuara në territorin e këtij fshati.
Bimët narkotike u asgjësuan me anë të djegies, ndërsa një pjesë e tyre u sekuestrua në cilësinë e provës materiale.
Në kuadër të operacionit u arrestua shtetasi S. N., 55 vjeç, banues në fshatin Arst, i dyshuar si autor i kultivimit të bimëve narkotike.
Ndërkohë, policia ka nisur procedim penal në gjendje të lirë për kryeplakun e fshatit Arst, M. K., 60 vjeç, i dyshuar për veprën penale “Shpërdorimi i detyrës”.
Njoftimi
Finalizohet operacioni i koduar “Arsti”, si rezultat i kontrolleve intensive për goditjen e veprimtarisë kriminale të kultivimit të bimëve narkotike.
Arrestohet një 55-vjeçar, i dyshuar për kultivim të bimëve narkotike Cannabis Sativa, në fshatin Arst.
Procedohet penalisht kryeplaku i këtij fshati, për shpërdorim detyre.
Shërbimet e Komisariatit të Policisë Pukë, si rezultat i kontrolleve intensive në terren dhe i hetimeve me metoda proaktive, për evidentimin dhe goditjen e rasteve të kultivimit të bimëve narkotike, si dhe për identifikimin dhe kapjen e autorëve, finalizuan operacionin e koduar “Arsti”.
Gjatë operacionit, në territorin e fshatit Arst, u gjetën të kultivuara 130 bimë të dyshuara narkotike Cannabis Sativa, të cilat u asgjësuan me djegie, përveç një pjese që u sekuestrua në cilësinë e provës materiale.
Si rezultat i këtij operacioni, u arrestua shtetasi S. N., 55 vjeç, banues në fshatin Arst, i dyshuar si autor i kultivimit të këtyre bimëve.
Gjithashtu, nisi procedimi në gjendje të lirë për kryeplakun e fshatit Arst, shtetasin M. K., 60 vjeç, për veprën penale “Shpërdorimi i detyrës”.
Kontrollet vijojnë në të gjithë territorin e qarkut Shkodër, me qëllim parandalimin, evidentimin dhe goditjen e rasteve të kultivimit të bimëve narkotike.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
The post Aksion për kultivimin e bimëve narkotike në Pukë, arrestohet një 55-vjeçar, procedohet kryeplaku i fshatit appeared first on Gazeta Express.
