Dega e OVL-UÇK-së në Viti ka reaguar ashpër ndaj veprimit të Policisë së Kosovës për të dënuar djemtë e heronjve të Kosovës për vendosjen e simbolit të UÇK në tabelat e veturës.
Kryetari i kësaj, Idriz Quni, ka vlerësuar se gjobitja me 60 euro djalit të heroit Nijazi Azemi dhe djalit të heroit Rexhep Bislimi për vendosjen e simbolit të UÇK-së është e papranueshme.
Përmes një reagimi, ai ka kërkua shkarkimin e policit që ka dënuar ata.
“Simbolet e Ushtrisë Çlirimtare të Kosovës nuk përfaqësojnë shkelje apo provokim, por sakrificën, gjakun dhe luftën për lirinë e vendit tonë. Është e papranueshme dhe shqetësuese që në Kosovën e lirë të ndëshkohen qytetarët për respektin dhe krenarinë ndaj UÇK-së. Kërkojmë përgjegjësi institucionale dhe shkarkimin e menjëhershëm të policit në fjalë, pasi veprime të tilla dëmtojnë besimin qytetar dhe cenojnë vlerat mbi të cilat është ndërtuar shteti ynë. Njëkohësisht, shprehim respektin tonë për Policinë e Kosovës dhe për të gjithë ata zyrtarë policorë që me nder e profesionalizëm i shërbejnë vendit, duke respektuar sakrificën e dëshmorëve dhe historinë e shtetformimit të Kosovës. Por raste të tilla nuk guxojnë të tolerohen në asnjë formë”, ka shkruar ai.
The post Dënimi i djemve të heronjve për vendosjen e simbolit të UÇK në tabela, reagon OVL-UÇK: Të shkarkohet polici appeared first on Gazeta Express.
