Deputeti i LDK’së, Arben Gashi, tha se komentet e kryetarit të Vetëvendosjes, Albin Kurti, pasi LDK’ja mori vendim të qëndronte në opozitë për kryetarin e partisë, Lumir Abdixhiku, ishin tallëse.
Gashi tha se këto komente nuk janë as miqësi e as respekt.
“Çfarë mekanizmi të besimit kemi përveç fjalës, të cilën ai nuk e mban? Edhe pasi del prej takimit, ai del e tallet. Thotë: miku im, nuk ishte pak për të që të bëhej zëvendësi im. Kjo është tallje nuk është miqësi, nuk është respekt. Është disrespektim i atij personi”.
Gashi tha gjithashtu se Kurti përmes këtyre deklaratave synon “të nxisë LDK’në të reagojë negativisht”.
Në një deklarim për media dje, Kurti iu referua si “mik” Abdixhiku derisa po komentonte qëndrimin e ri që mori LDK për të mbetur në opozitë dhe për të hequr dorë nga çdo post në Presidencë, Kuvend e Qeveri.
Aty Kurti tha se s’ka qenë pak për Abdixhikun që të jetë zëvendës i tij dhe as s’ka qenë pak që LDK të kishte kryeparlamentarin./Express/
The post “Mik”, “s’është pak të jetë zëvendës i imi”, Gashi thotë se Kurti e talli Abdixhikun: Ka qëllim ta nxisë LDK’në… appeared first on Gazeta Express.
