Çmimet globale të naftës janë rritur sot, duke përmbysur pjesërisht humbjet e djeshme, pasi sulmet e rinovuara të SHBA-së ndaj Iranit kanë ulur optimizmin se një marrëveshje është afër për t’i dhënë fund luftës.
Nafta Brent u rrit me 3.3% në 96.5 dollarë për fuçi në tregtimin e hershëm të mëngjesit, pasi kishte rënë gati 10% të hënën kur dukej se Shtetet e Bashkuara dhe Irani ishin pranë një marrëveshjeje për një “memorandum mirëkuptimi” për të ndalur luftimet dhe për të hedhur bazat për një marrëveshje të ardhshme. Vëllimet e tregtimit ishin gjithashtu më të ulëta se zakonisht, për shkak të festave publike në SHBA dhe Mbretërinë e Bashkuar, raporton CNN.
Shtetet e Bashkuara i përshkruan sulmet ndaj bazave të raketave iraniane dhe anijeve të hënën si “sulme vetëmbrojtëse”. Sulmet ndodhën disa orë pasi negociatorët iranianë u takuan me ndërmjetës nga Katari në Doha për bisedime në koordinim me SHBA-në. Irani ende nuk ka reaguar.
“Optimizmi mbetet i lartë se mund të arrihet një marrëveshje për t’i dhënë fund luftës,” shkruan analistët e Deutsche Bank në një shënim. “Veprimi i synuar i natës së kaluar (nga SHBA) është qartë një paralajmërim se armëpushimi është i brishtë, kështu që do të duhet të shohim se çfarë sjellin ditët e ardhshme të negociatave.”
The post Çmimi i naftës rritet pas sulmeve të reja të SHBA-së ndaj Iranit appeared first on Gazeta Express.
