Ministria e Punëve të Brendshme ka njoftuar se gjatë muajve qershor dhe korrik të këtij viti janë raportuar 55 raste të të shtënave festive në Kosovë.
Sipas ministrisë, në kuadër të fushatës “Festo me zemër, jo me armë”, Policia e Kosovës ka ndërmarrë veprimet e nevojshme në të gjitha rastet e raportuara.
Si rezultat, 48 persona janë shoqëruar nga Policia, ndërsa janë konfiskuar gjithsej 47 armë zjarri.
MPB-ja ka falënderuar qytetarët që kanë raportuar rastet dhe i ka inkurajuar që të vazhdojnë të raportojnë keqpërdorimin e armëve, me qëllim të parandalimit të të shtënave gjatë dasmave dhe ahengjeve familjare.
The post 55 raste të të shtënave “Festive” në qershor e korrik, 48 persona u shoqëruan nga Policia appeared first on Gazeta Express.
