Kandidati i PDK-së për kryeministër, Bedri Hamza, dhe Uran Ismaili, i dyti në listën e kësaj partie për zgjedhjet e parakohshme parlamentare të 7 qershorit, kanë zhvilluar një takim me mjekë dhe profesionistë shëndetësorë.
Përmes një postimi në rrjetet sociale, Ismaili bëri të ditur se gjatë takimit kanë diskutuar për gjendjen në sektorin e shëndetësisë dhe nevojën për ndryshime.
“Sonte në takim me mjekë dhe staf shëndetësor, folëm për atë që qytetarët e ndiejnë çdo ditë: shëndetësia ka nevojë për ndryshim dhe nuk mund të mbetet peng i mungesës së punës dhe arsyetimeve”, ka shkruar Ismaili.
Ai shtoi se me Bedri Hamzën kryeministër, Kosova do të ketë një qeveri që, sipas tij, do të punojë për mirëqenien e qytetarëve dhe për krijimin e kushteve më të mira për stafin shëndetësor.
“Me Bedri Hamzën kryeministër, Kosova do ta ketë një qeveri që punon për mirëqenien e popullit dhe krijon kushte për stafin shëndetësor”, ka shkruar Ismaili.
The post Uran Ismaili: Me Bedri Hamzën kryeministër, shëndetësia nuk do të mbetet më peng i arsyetimeve e keqpërdorimeve appeared first on Gazeta Express.
