Pas meritave që VLEN mori si rezulatat i vendimit të Qeverisë për ta dërguar zgjidhjen mbi provimin e jurisprudencës në Komisionin e Venecias, ZNAM ka reaguar duke i kujtuar VLEN-it se i njëjti nuk është miratuar dhe se si fillim duhet pritur mendimi i ekspertëve.

Nga kjo parti thonë se nuk është e përshtatshme të krijohet eufori dhe shpallje e fitores historike nga përfaqësuesit e VLEN-i.

“Miratimi i informacionit mbi nevojën për një mendim eksperti nuk do të thotë se është marrë vendim përfundimtar, as se është bërë ndonjë ndryshim në kuadrin ligjor dhe mënyrën e funksionimit të sistemit gjyqësor. Përkundrazi, mendimi i kërkuar nga Komisioni i Venedikut duhet të ofrojë një bazë eksperti për veprime të mëtejshme, duke respektuar Kushtetutën, ligjet, sigurinë juridike dhe standardet evropiane”.

“Çështjet që lidhen me përdorimin e gjuhëve, veçanërisht në gjyqësor, janë shumë serioze për t’u bërë objekt i marketingut politik ditor, përpara se të jenë shqyrtuar të gjitha aspektet ligjore dhe të jenë marrë mendimet përkatëse të ekspertëve”.

“Prandaj, në vend që të shpallen fitoret para kohe dhe të krijohen pritje tek qytetarët, nevojitet përgjegjësi, një qasje institucionale dhe respektim i procedurave ligjore”, thonë nga partia ZNAM.