Elbasan Kryeziu, nipi i i ish-nënkryetarit të Lidhjes Demokratike të Kosovës, Eqrem Kryeziut ka dërguar një mesazh në Kosova Live në T7, përmes së cilit ka njoftuar se ish-kryetari i Prizrenit vdiq sot rreth orës 07:00 në spital, në moshën 78-vjeçare.
“Sot, rreth orës 07:00, ka ndërruar jetë në spital axha im, Eqrem Kryeziu, i cili kohëve të fundit kishte probleme shëndetësore. Axha Eqrem vuante prej disa vitesh nga diabeti”, thuhet në mesazhin e nipit të Eqrem Kryeziut.
Ai tha se Eqrem Kryeziu “pas vetes la bashkëshorten, dy djem dhe një vajzë, si dhe shumë nipa e mbesa”.
Varrimi i veprimtarit të LDK-së “do të bëhet sot, pas namazit të Ikindisë, në Varrezat e Reja të Qytetit, në Landovicë”.
“Paraprakisht, nën patronatin e Komunës së Prizrenit, në orën 14:30 do të mbahet mbledhje komemorative në nderim të të ndjerit, në Shtëpinë e Kulturës “Xhemajli Berisha” në Prizren”, tha nipi i Eqrem Kryeziut në mesazhin dërguar në Kosova Live.
The post Nipi i Eqrem Kryeziut në T7: Vdiq rreth orës 07:00 në spital, kishte probleme shëndetësore kohëve të fundit appeared first on Gazeta Express.
