Deputeti i PDK-së, Rrustem Mustafa, përmes një postimi në Facebook ka deklaruar se Kosovës i duhet një marrëveshje e madhe politike që sjell unitet, qartësi dhe drejtim shtetëror.
Për të disatën herë tashmë, Mustafa ka thënë se duhet një koalicion mes Partisë Demokratike të Kosovës dhe Lëvizjes Vetëvendosje.
Mustafa tutje ka thënë se L VV, PDK dhe partitë e tjera mund të hapin dialogun për një marrëveshje të përbashkët, të ndërtuar mbi interesat themelore të Republikës.
“Tri shtylla duhet ta udhëheqin këtë angazhim janë unitet politik dhe qetësim i brendshëm, mbështetje juridike dhe angazhim diplomatik”- ka thënë ai.
Sipas tij, ky nuk është vetëm një bashkim rreth një momenti, por është një mundësi për të ndërtuar një marrëveshje politike me përgjegjësi, objektiva dhe drejtim të qartë për Kosovën.
Partitë parlamentare në Kosovë ende nuk kanë nxjerrë ndonjë emër si propozim për president të ri të vendit, ndonëse kanë mbetur edhe tetë ditë deri në skadimin e afatit të përcaktuar nga Gjykata Kushtetuese.
6 tetori 2026 është data e fundit deri kur Kuvendi duhet ta përfundojë procesin për zgjedhjen e kreu të shtetit. Në të kundërtën, vendi mund të shkojë në zgjedhje të reja parlamentare.
Aktualisht ushtruese e detyrës së presidentes vazhdon të jetë kryetarja e Kuvendit, Albulena Haxhiu.
The post Mustafa sërish insiston për një “koalicion të madh” PDK – LVV appeared first on Gazeta Express.
