Sot, më 10 tetor, shënohet Dita Botërore e Shëndetit Mendor, e cila synon të rrisë ndërgjegjësimin për rëndësinë e shëndetit mendor, të luftojë stigmën dhe të promovojë mbështetjen për personat që përballen me vështirësi në këtë fushë.

Kjo ditë shërben si mundësi për të diskutuar mbi sfidat e shëndetit mendor dhe për të nxitur përpjekjet që kujdesi dhe mbështetja të jenë më të qasshme për të gjithë.

Me këtë rast, në Prishtinë gjatë ditës së sotme do të organizohen dy aktivitete.

Nga ora 10:00 mbahet edicioni i tetë i Kongresit Ndërkombëtar, me temën “Shëndeti mendor: sfidat dhe perspektivat e së ardhmes”.

Ndërkaq, në orën 11:00, klubi “Dëshira” organizon një konferencë për media, në kuadër të shënimit të Ditës Botërore të Shëndetit Mendor.

The post Sot shënohet Dita Botërore e Shëndetit Mendor, në Prishtinë organizohen dy aktivitete appeared first on Sinjali.

Burimi: Sinjali