Shiroka Pula pret ambasadoren kroate, vlerëson mbështetjen e Kroacisë për Kosovën

Shiroka Pula pret ambasadoren kroate, vlerëson mbështetjen e Kroacisë për Kosovën

Shiroka Pula pret ambasadoren kroate, vlerëson mbështetjen e Kroacisë për Kosovën

Presidentja e Kosovës, Justina Shiroka Pula, ka pritur sot në takim ambasadoren e Kroacisë në Kosovë, Danijela Barišić, me të cilën ka diskutuar për thellimin e bashkëpunimit ndërmjet dy vendeve në disa fusha me interes të përbashkët.

Sponsor 3M Express

Sipas njoftimit të Presidencës, në takim është diskutuar për mundësitë e konkretizimit të bashkëpunimit në fushën e mbrojtjes, drejtësisë, shëndetësisë, arsimit dhe shkencës, si dhe për zgjerimin e shkëmbimeve ekonomike e tregtare dhe investimeve.

Gjatë takimit, Shiroka Pula ka vlerësuar Kroacinë si një vend mik dhe mbështetëse të fuqishme të Kosovës, duke shprehur mirënjohje për përkrahjen e saj që nga vitet e luftës, njohja e pavarësisë dhe proceset e konsolidimit të shtetit.

Ajo ka kujtuar gjithashtu kontributin e shqiptarëve në luftën për lirinë e Kroacisë, duke e cilësuar atë si një urë të rëndësishme miqësie dhe afërsie ndërmjet dy popujve dhe shteteve.

Presidentja ka vlerësuar edhe angazhimin e ambasadores Barišić në forcimin e marrëdhënieve dypalëshe dhe thellimin e miqësisë ndërmjet Kosovës dhe Kroacisë.

Në fund, Shiroka Pula ka theksuar rëndësinë që marrëdhëniet e afërta politike dhe diplomatike të konkretizohen përmes projekteve në interes të qytetarëve të të dy vendeve.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Neurologia zbulon çfarë duhet të bëjnë gratë për të mbrojtur trurin nga demenca

Neurologia zbulon çfarë duhet të bëjnë gratë për të mbrojtur trurin nga demenca

Prishtina kujton Dr. Xhavit Ahmetin në 30-vjetorin e ndarjes nga jeta

Prishtina kujton Dr. Xhavit Ahmetin në 30-vjetorin e ndarjes nga jeta

Drejtoria e Arsimit në Prishtinë: PISA kërkon veprime konkrete në arsim

Drejtoria e Arsimit në Prishtinë: PISA kërkon veprime konkrete në arsim