Producenti i filmave, Sebastian Bear-McClard, ish-bashkëshorti i modeles Emily Ratajkowski, është bërë baba për herë të dytë.
Ai dhe partnerja e tij, Alessandra Brawn, kanë mirëpritur një djalë, të cilin, sipas burimeve, e kanë quajtur Donte.
Burime pranë çiftit kanë bërë të ditur se nëna dhe foshnja janë mirë dhe se të dy janë jashtëzakonisht të lumtur për ardhjen e anëtarit të ri në familje.
Foto: Page Six
Bear-McClard dhe Brawn janë në lidhje që nga viti 2025, teksa thuhet se njihen që nga fëmijëria.
Alessandra Brawn ka edhe fëmijë nga lidhjet e mëparshme, e Bear-McClard ka një djalë pesëvjeçar, Sylvester Apollo Bear me Emily Ratajkowskin.
Foto: Instagram
Bear-McClard dhe Ratajkowski u martuan në shkurt të vitit 2018, divorci i tyre u finalizua në korrik të vitit 2025, pas raportimeve për tradhti.
Ratajkowski ka folur më pas publikisht për ndarjen dhe vështirësitë që përjetoi pas lindjes së djalit.
Foto: Wire Image
Ajo gjithashtu rrëfeu se kishte pasur frikë që në fëmijëri nga mundësia për t’u bërë nënë e vetme.
Ndërkohë, Bear-McClard është parë së fundmi në New York duke shëtitur me foshnjën. /Telegrafi/
Foto: Instagram
