Hoti kritikon Qeverinë për projektin e baterive: Tetë vjet pritje dhe asnjë kapacitet i ri për prodhimin e energjisë

Hoti kritikon Qeverinë për projektin e baterive: Tetë vjet pritje dhe asnjë kapacitet i ri për prodhimin e energjisë

Hoti kritikon Qeverinë për projektin e baterive: Tetë vjet pritje dhe asnjë kapacitet i ri për prodhimin e energjisë

Deputeti i Lidhjes Demokratike të Kosovës (LDK), Avdullah Hoti, ka kritikuar politikën energjetike të Qeverisë së Kosovës, pas njoftimit se projekti për bateritë e ruajtjes së energjisë është shtyrë deri në vitin 2029.

Sponsor 3M Express

Përmes një reagimi, Hoti ka rikujtuar anulimin e projektit të gazit dhe orientimin e mjeteve financiare drejt blerjes së baterive, duke thënë se këto të fundit nuk prodhojnë energji, por vetëm e ruajnë atë.

Sipas tij, për të funksionalizuar një sistem të tillë, fillimisht duhet të sigurohen kapacitetet për prodhimin e energjisë elektrike.

“Projektin e gazit e anuluan. Mjetet i orientuan drejt blerjes së baterive, duke harruar një fakt themelor: bateritë nuk prodhojnë energji, por vetëm e ruajnë atë. Fillimisht duhet ta kesh energjinë për ta ruajtur!”, ka shkruar Hoti.

Ai ka kritikuar edhe shtyrjen e projektit të baterive deri në vitin 2029, duke e cilësuar këtë si dëshmi të vonesave në realizimin e projekteve energjetike.

“Tani njoftojnë se edhe projekti i baterive është shtyrë deri në vitin 2029. Pra, nga viti 2021 deri në vitin 2029, tetë vjet për të blerë disa bateri për ruajtjen e energjisë, ndërkohë që nuk kanë krijuar kapacitete të reja për prodhimin e saj”, ka deklaruar deputeti i LDK-së.

Në fund, Hoti e ka cilësuar këtë periudhë si bilanc të dështuar të politikës energjetike të Qeverisë.

“Tetë vjet pritje, projekte të anuluara dhe energji e paprodhuar. Ky është bilanci i politikës së tyre energjetike!”, ka përfunduar ai.

Lexo edhe

Qeveria miraton dy projektligje për kredi në shëndetësi dhe disa nisma për grante

Qeveria miraton dy projektligje për kredi në shëndetësi dhe disa nisma për grante

Kilaj pas lirimit nga Specialja: Ky proces ishte i padrejtë që nga fillimi, dënimi ndaj shokëve është politik

Kilaj pas lirimit nga Specialja: Ky proces ishte i padrejtë që nga fillimi, dënimi ndaj shokëve është politik

Moldavia mbyll hapësirën ajrore pasi një dron i tipit Shahed u drejtua drejt Kishinjevit

Moldavia mbyll hapësirën ajrore pasi një dron i tipit Shahed u drejtua drejt Kishinjevit