Qeveria miraton dy projektligje për kredi në shëndetësi dhe disa nisma për grante

Qeveria miraton dy projektligje për kredi në shëndetësi dhe disa nisma për grante

Qeveria miraton dy projektligje për kredi në shëndetësi dhe disa nisma për grante

Qeveria e Kosovës, në mbledhjen e 12-të, të mbajtur në mënyrë elektronike, ka miratuar dy projektligje për ratifikimin e marrëveshjeve të kredisë për përmirësimin e pajisjeve dhe infrastrukturës shëndetësore, si dhe disa nisma për marrëveshje financiare në sektorët e ujësjellësit, energjisë dhe menaxhimit të mbeturinave.

Në mbledhjen e mbajtur më 17 nëntor, Qeveria ka miratuar Projektligjin për Ratifikimin e Marrëveshjes së Kredisë me Bankën Evropiane të Investimeve për projektin “Përmirësimi i Pajisjeve Mjekësore dhe Infrastrukturës”.

Sponsor 3M Express

Sipas njoftimit të Qeverisë, projekti përfshin blerjen e pajisjeve të reja mjekësore, punimet infrastrukturore për instalimin e tyre, ngritjen e Njësisë së Zbatimit të Projektit, asistencën teknike dhe trajnimin e ekipeve të inxhinierisë biomjekësore.

Po ashtu, është miratuar Projektligji për Ratifikimin e Marrëveshjes së Kredisë me Bankën Zhvillimore të Këshillit të Evropës për projektin “Përmirësimi i Kujdesit Shëndetësor Sekondar dhe Terciar”.

Ky projekt parasheh modernizimin e pajisjeve mjekësore në gjashtë spitale publike, rinovimin e infrastrukturës spitalore, përmirësimin e kapaciteteve diagnostikuese dhe trajtuese, si dhe rritjen e qasjes në shërbimet shëndetësore.

Qeveria ka miratuar gjithashtu nismën për lidhjen e Marrëveshjes për Grant dhe Zbatim të Projektit me Kompaninë Rajonale të Ujësjellësit “Prishtina” dhe KfW Frankfurt am Main, për projektin “Zhvillimi Urban i Përshtatur me Klimën – Ujërat e Zeza në Prishtinë”.

Një tjetër nismë e miratuar është ajo për marrëveshjen e grantit ndërmjet Kosovës, KOSTT-it dhe KfW-së për projektin “Përmirësimi i Rrjetit të Transmetimit”.

Po ashtu, është miratuar nisma për marrëveshjen e grantit me Kompaninë për Menaxhimin e Deponive të Mbeturinave në Kosovë dhe KfW-në, për projektin “Menaxhimi i Mbetjeve të Ngurta II-IV (Kontributi i BE-së)”.

Në këtë mbledhje është miratuar edhe nisma për marrëveshjen e kredisë me Agjencinë Franceze për Zhvillim, për ndërtimin e impiantit për trajtimin e ujërave të zeza në Prishtinë.

Qeveria ka miratuar edhe nismën për marrëveshjen e grantit me Bankën Ndërkombëtare për Rindërtim dhe Zhvillim dhe Asociacionin Ndërkombëtar për Zhvillim, për projektin e Fondit të Kosovës për Efiçiencë të Energjisë.

Në pjesën e vendimeve buxhetore, Qeveria ka miratuar kërkesën e Ministrisë së Financave për realizimin e kursimeve dhe ndarjeve buxhetore, si dhe kërkesën për ndarjen e mjeteve për mbulimin e mungesës së krijuar si rezultat i alokimit të parakohshëm.

Gjithashtu, është miratuar kërkesa e Ministrisë së Zhvillimit Rajonal, Ministrisë së Mjedisit dhe Planifikimit Hapësinor, Agjencisë së Kosovës për Inteligjencë, Këshillit Prokurorial të Kosovës dhe Ministrisë së Arsimit dhe Shkencës për transferimin e mjeteve buxhetore deri në 25% të ndarjeve buxhetore të ndikuara negativisht.

Burimi: RTKLive

Lexo edhe

Nis ndeshja vendimtare mes Irlandës dhe Kosovës

Nis ndeshja vendimtare mes Irlandës dhe Kosovës

Ekstradohen nga Shqipëria dhe Franca dy persona të kërkuar nga Kosova

Ekstradohen nga Shqipëria dhe Franca dy persona të kërkuar nga Kosova

Qeveria mban mbledhje, miratohen disa marrëveshje e projektligje

Qeveria mban mbledhje, miratohen disa marrëveshje e projektligje

Qeveria miraton dy projektligje për kredi në shëndetësi dhe disa nisma për grante | Momenti