Të paktën katër persona kanë humbur jetën dhe pesë të tjerë janë plagosur në Japoninë lindore, pasi reshjet goditën prefekturën Chiba, pranë kryeqytetit Tokio.
Reshjet, të cilat autoritetet i kanë cilësuar si “të paprecedenta”, shkaktuan ndërprerje të energjisë elektrike për më shumë se 20 mijë familje, ndërsa rreth 7 mijë udhëtarë mbetën të bllokuar gjatë natës në aeroportin Narita të Tokios.
Autoritetet lokale lëshuan të enjten nivelin e pestë të alarmit për emergjencat, niveli më i lartë i paralajmërimit, për shkak të rrezikut të madh nga përmbytjet dhe rrëshqitjet e dheut.
Të premten në mëngjes alarmi u ul në nivelin e katërt, por autoritetet vijojnë të paralajmërojnë për rrezik të lartë nga përmbytjet dhe rrëshqitjet e tokës.
Situata vjen pas një serie stuhish që kanë përfshirë Japoninë dhe vendet fqinje gjatë kësaj jave. Meteorologët kanë paralajmëruar se rajoni mund të përballet me një sezon tajfunesh më aktiv se zakonisht.
The post Katër të vdekur dhe pesë të plagosur nga reshjet në Japoni, autoritetet kanë paralajmëruar për rrëshqitje të tokës appeared first on Gazeta Express.
