Një helikopter ushtarak rus i tipit Mi-8 bëri një inkursion të shkurtër në hapësirën ajrore të Polonisë, anëtare e NATO-s, duke ardhur nga enklava ruse e Kaliningradit, njoftoi të mërkurën Komanda Operacionale e Forcave të Armatosura të Polonisë.
Helikopteri qëndroi 42 sekonda në hapësirën ajrore polake dhe hyri deri në një thellësi maksimale prej rreth 300 metrash, thuhet në njoftimin e publikuar në X.
“Avionët luftarakë u ngritën në ajër, ndërsa forcat dhe mjetet në tokë mbetën në gatishmëri. Natyra e incidentit tregon se Rusia po teston sërish gatishmërinë e mbrojtjes sonë ajrore”, thuhet në njoftim, raporton Reuters.
Polonia është në gatishmëri të shtuar për çdo shkelje të hapësirës së saj ajrore që lidhet me luftën e Rusisë në Ukrainë.
Ambasada ruse në Varshavë nuk iu përgjigj menjëherë kërkesës së Reuters për koment lidhur me incidentin.
The post Helikopteri rus shkel hapësirën ajrore të Polonisë, ngrihen në ajër avionët luftarakë appeared first on Gazeta Express.
