Shefi i Shtabit të misionit të KFOR-it, gjeneral brigade Chad Daniels, i shoqëruar nga oficerë të shtabit të tij ka vizituar sot Mitrovicën e Veriut për të vëzhguar përpjekjet e vazhdueshme të personelit të Njësisë Speciale Shumëkombëshe (MSU).
“Vizita dëshmon përkushtimin e KFOR-it për të mbajtur një prani të dukshme, për t’u angazhuar me të gjitha komunitetet në Kosovë dhe për të pasur një kuptim të qartë të situatës në terren, duke përshtatur njëkohësisht qëndrimin e tij përmes një qasjeje graduale dhe të bazuar në kushtet në terren”, thuhet në njoftimin e KFOR-it.
“Siguria fillon me njerëzit. Çdo bisedë, çdo shtrëngim duarsh dhe çdo mundësi për të dëgjuar na ndihmon t’i kuptojmë më mirë komunitetet të cilave u shërbejmë. KFOR-i do të vazhdojë të angazhohet drejtpërdrejt me njerëzit nga të gjitha komunitetet në mbarë Kosovën, sepse siguria e qëndrueshme ndërtohet përmes besimit, respektit dhe lidhjes njerëzore”, ka deklaruar Daniels.
The post Gjenerali amerikan viziton Mitrovicën e Veriut dhe Urën e Ibrit : Siguria fillon me njerëzit, çdo bisedë e çdo shtrëngim duarsh na ndihmon appeared first on Gazeta Express.
