Brenda një ditë, Komisioni Qendror i Zgjedhjeve, ka shpërndarë rreth 50 mijë pako individuale të cilat përmbajnë edhe fletëvotimet për votuesit me postë për zgjedhjet e 7 qershorit.
Kështu ka bërë të ditur për Gazetën Express, zëdhënësi i KQ’së, Valmir Elezi.
‘’Më 21 maj ka filluar procesi i votimit jashtë Kosovës për votuesit që janë regjistruar për të votuar përmes postës. Para fillimit të këtij procesi, KQZ, përmes operatorit ekonomik, ka dërguar jashtë Kosovës rreth 105 mijë pako individuale për secilin votues të regjistruar për të votuar përmes përmes postës. Në bazë të të dhënave, vetëm gjatë ditës së parë të votimit përmes postës, KQZ ka arritur të shpërndajë rreth 50 mijë pako individuale, të cilat përmbajnë edhe fletëvotimin’’, ka thënë ai.
The post Brenda një dite KQZ dërgon fletëvotimet te 50 mijë nga 105 mijë votuesit me postë nga diaspora appeared first on Gazeta Express.
