Aktakuza për keqpërdorim milionësh  – Ministria e Infrastrukturës pezullon zyrtarët e saj: Drejtësia të thotë sa më shpejt verdiktin

Ministria e Infrastrukturës dhe Transportit ka njoftuar se ka pezulluar nga detyra zyrtarët ndaj të cilëve Prokuroria Speciale ka ngritur aktakuzë për keqpërdorim të pozitës apo autoritetit zyrtar.

Nga Ministria, është thënë se presin që drejtësia ta thotë sa më shpejt verdiktin përfundimtar dhe të mbajë përgjegjës secilin që ka abuzuar me mjetet e taksapaguesve.

Komunikata:

Suspendohen zyrtaret ndaj te cileve Prokuroria Speciale ka ngritë aktakuzë

Prishtinë

14 gusht 2026

Sot, Ministria e Infrastrukturës dhe Transportit ka pezulluar nga detyra zyrtarët ndaj të cilëve Prokuroria Speciale ka ngritur aktakuzë për keqpërdorim të pozitës apo autoritetit zyrtar.

Rasti lidhet me periudhën 2017–2019 dhe me kontratën për mirëmbajtjen e urave në rrugët nacionale dhe regjionale. Sipas aktakuzës, aktiviteti i prokurimit ishte iniciuar me vlerë të parashikuar prej 500 mijë eurosh, ndërsa pagesat e realizuara kanë arritur në mbi 5 milionë euro.

Këto janë para të qytetarëve dhe përgjegjësi publike, andaj presim që drejtësia ta thotë sa më shpejt verdiktin përfundimtar dhe të mbajë përgjegjës secilin që ka abuzuar me mjetet e taksapaguesve.

Askush nuk mund të jetë mbi ligjin dhe buxheti i nuk mund të trajtohet ndryshe përpos sipas procedurave dhe rregullave të parapara. Për çfardo informacioni, organet e drejtësisë do ta kenë bashkëpunimin tonë të plotë

Ne do të punojmë fort që ta forcojmë kontrollin, mbikëqyrjen dhe llogaridhënien në çdo nivel të Ministrisë dhe çdo dyshim serioz për keqpërdorim do të trajtohet me përgjegjësinë më të lartë institucionale.

Ishin planifikuar 500 mijë euro, por pagesat arritën mbi 5.3 milionë – aktakuzë ndaj katër zyrtarëve të Ministrisë së Infrastrukturës

The post Aktakuza për keqpërdorim milionësh  – Ministria e Infrastrukturës pezullon zyrtarët e saj: Drejtësia të thotë sa më shpejt verdiktin appeared first on Gazeta Express.