Festivali i Kafesë dhe Çajit do të mbahet më 30 shtator, 1 dhe 2 tetor në sheshin “Zahir Pajaziti” në Prishtinë, duke shënuar 10 vite nga organizimi i tij.
Gjatë tri ditëve, rreth 25 brende vendore dhe të huaja do të jenë pjesë e festivalit, përfshirë edhe dy brende të kafesë që marrin pjesë për herë të parë.
Vizitorët do të kenë mundësi të shijojnë produktet e brendeve pjesëmarrëse, të marrin pjesë në lojëra dhe të fitojnë dhurata, ndërsa atmosfera do të shoqërohet me muzikë live dhe DJ.
Festivali do të jetë i hapur çdo ditë nga ora 10:00 deri në 21:00.
Më 1 tetor, nga ora 16:00 deri në 18:00, aktiviteti do të ndërpritet për t’iu bashkuar aktivitetit “Liria ka emër”, ndërsa pas përfundimit të tij festivali do të vazhdojë sipas programit.
Organizatorët ftojnë qytetarët që të bëhen pjesë e festivalit në sheshin “Zahir Pajaziti”, për tri ditë me kafe, çaj, muzikë dhe argëtim.
