Ka ende për të zbuluar, Apolonia pritet të zgjerojë “pasurinë” arkeologjike

Parku Arkeologjik i Apolonisë është një ndër destinacionet kryesore të një pjese të konsiderueshme të turistëve që vizitojnë vendin tonë dhe, natyrisht, një destinacion i padiskutueshëm për turistët evropianë që janë të interesuar pas historisë, kulturës dhe arkeologjisë.

I cilësuar si një nga parqet arkeologjike të kategorisë së parë edhe në Europë, Apolonia, përveç asaj çfarë ekspozon, pritet ta shtojë më tej pasurinë e saj arkeologjike me zbulime dhe gërmime të reja, që pritet të nxjerrin në pah objekte të mëdha, si në përmasa, ashtu edhe në atë se çfarë kanë përfaqësuar në kohën e tyre.

“I shtohet një monument tjetër Apolonisë dhe vazhdoi gërmimi i nisur vitin e kaluar, por me më shumë intensitet këtë vit, të termës romake, i banjave romake. Për ata që nuk e kuptojnë, janë si spa-të e sotme. Pra, për të pasur një ide, po bëj një krahasim për njerëzit që nuk e kanë idenë se çfarë kanë qenë”, thotë për A2 CNN Admir Xhelaj, përgjegjës i Muzeut.

“Ky vend nuk ka objekte, por është monumenti që po kërkohet. Për fat të keq, është grabitur gjatë antikitetit, kur është shkatërruar. Deri tani janë gjetur fragmente mermeri me të cilat visheshin muret dhe dyshemetë. Pra, ka qenë një monument shumë luksoz. Janë gjetur fragmente kornizash, dekorime, pra ka qenë shumë interesant dhe është një monument prej gati 1000 metrash katrorë. Mund të themi se është më i madhi në Shqipëri deri tani”, shtoi ai.

Gjatë tetëmujorit të këtij viti, Parku Arkeologjik i Apolonisë ka pritur mbi 92 mijë vizitorë, thuajse nga e gjithë bota, por më të shumtë kanë qenë ata nga Europa. Nuk mungojnë as vizitorët që rikthehen për të shijuar sërish atë që ofron ky park. (

The post Ka ende për të zbuluar, Apolonia pritet të zgjerojë “pasurinë” arkeologjike appeared first on Gazeta Express.