Ministria e Industrisë, Ndërmarrësisë, Tregtisë dhe Inovacionit (MINTI) ka publikuar çmimet maksimale të lejuara për derivatet e naftës që vlejnë për ditën e sotme.
Sipas njoftimit, çmimi maksimal i naftës është kufizuar në 1.74 euro për litër, dy centë më lirë e dje, ndërsa për benzinën është caktuar çmimi 1.53 euro.
MINTI po ashtu ka kufizuar edhe çmimet e gazit për 0.63 euro për litër.
Këto çmime do të hyjnë në fuqi nga ora 10:00.
MINTI ka njoftuar se ka vendosur të vazhdojë edhe për 30 ditë rregullimin e përkohshëm të çmimeve maksimale të produkteve të naftës, me qëllim të mbrojtjes së konsumatorëve dhe garantimit të çmimeve të arsyeshme në treg.
The post Bie edhe pak nafta në Kosovë appeared first on Gazeta Express.
