Një tornado me intensitet të rrallë ka goditur të hënën në mbrëmje rajonin Aude në jugperëndim të Francës, duke shkaktuar dëme të mëdha materiale dhe duke lënduar 39 persona.
Dy prej të lënduarve ndodhen në gjendje kritike në fshatin Pomas, ndërsa më shumë se 300 banesa janë dëmtuar nga stuhia e fuqishme, kanë bërë të ditur autoritetet lokale.
Situata është rënduar edhe nga ndërprerjet e energjisë elektrike. Deri të martën në mëngjes, rreth 21 mijë familje në jug të Francës kishin mbetur pa energji, prej tyre rreth 1,600 në rajonin Aude, sipas operatorit lokal të rrjetit ENEDIS.
“Një tornado me intensitet të rrallë goditi rajonin Aude dje pasdite vonë, duke dëmtuar rëndë fshatin Pomas”, ka deklaruar në X ministri i Brendshëm, Laurent Nunez.
⚡️ Tornado slams southern France — 41 injured
— NEXTA (@nexta_tv) August 25, 2026
In the village of Pomas it ripped through around 300 homes. 15 people were hospitalized. More than 2,000 houses left without power. pic.twitter.com/lXMReHYlzk
Pamjet e publikuara në rrjetet sociale dhe të verifikuara nga Reuters tregojnë tornadon teksa rrotullohet mbi fshatin e afërt Verzeille. Në zonat e prekura, shumë banesa kanë pësuar dëme të konsiderueshme, përfshirë thyerjen e dritareve.
Tornadoja ka goditur në një periudhë kur vala intensive e të nxehtit që ka përfshirë Francën gjatë kësaj vere po i hap rrugë stuhive të fuqishme me bubullima në pjesë të ndryshme të jugut të vendit.
Autoritetet vijojnë të vlerësojnë dëmet dhe të ndërhyjnë në zonat e prekura nga moti ekstrem.
The post Tornado e fuqishme godet Francën, 39 të lënduar dhe mbi 300 banesa të dëmtuara appeared first on Gazeta Express.
