Irani premton hakmarrje pas sanksioneve të zgjeruara ekonomike të SHBA-së, të cilat kërkojnë t’I cënojnë rrjetin tregtar dhe shkurtojnë jetën ekonomike.
Pavarësisht kërcënimeve ekonomike amerikane ndaj aleatëve tregtarë të Teheranit, regjimi islamik shprehu besim se partnerët kryesorë tregtarë do t’i rezistonin fushatës së presionit të Uashingtonit. Regjimi deklaroi se armiqtë, duke iu referuar SHBA duhet të presin një sulm, ekonomik dhe ushtarak.
Sekretari i Thesarit i SHBA-së, Scott Bessent, zbuloi masat të hënën – sanksione në dukje fillimisht të lehta – por tha se vendet që vazhdojnë të bëjnë tregti me Iranin rrezikojnë të dalin nga sistemi financiar i bazuar në dollar.
Bessent nuk I identifikoi vendet që do të mund të jenë në shënjestër, as nuk zbuloi se kur do të hynin në fuqi sanksionet, por tha se do t’u jepte shteteve kohë që të zbatonin direktivën e re të SHBA. Departamenti i Thesarit njoftoi sanksione të reja ndaj 60 individëve, subjekteve dhe anijeve, por lista nuk përmbante asnjë nga institucionet financiare kineze të dyshuara për lehtësimin e tregtisë së naftës së Iranit.
Irani dhe Shtetet e Bashkuara nënshkruan një marrëveshje të përkohshme në qershor që synonte t’i jepte fund luftës disa mujore që filloi në shkurt të këtij viti, por memorandumi i Islamabadit, siç njihet, dështoi shpejt.
Ndërmjetësi Pakistan tha se kanë bërë “përparim të konsiderueshëm” në bisedimet e fundit me Teheranin, të cilat u përqendruan në masa të tilla si parandalimi i përshkallëzimit të mëtejshëm të konfliktit dhe rihapja e Ngushticës së Hormuzit.
Përpara lajmit për sanksionet e fundit, Irani kërcënoi si me një përgjigje të mundshme ushtarake ashtu edhe me një ulje të mëtejshme të eksporteve të naftës nga Gjiri, në shenjë hakmarrjeje për çdo masë ekonomike të SHBA-së.
Ministri iranian i Ekonomisë deklaroi në televizioni shtetëror të regjimit se janë plotësisht të përgatitur për sanksionet e SHBA-së, që e quajti sulm terrorist ekonimik nga armiqtë.
As Kina dhe as Rusia nuk i kishin “pranuar” masat e SHBA-së, shtoi ai, duke shprehur se edhe vende të tjera do t’u rezistonin atyre.
The post SHBA, sanksione ekonomike Iranit: Masa të ashpra vendeve që kanë marrëdhënie tregtare me Teheranin appeared first on Gazeta Express.
