Një 23-vjeçar është arrestuar në aeroportin Haneda të Tokios, pasi autoritetet dyshohet se i kanë gjetur në valixhe rreth 200 hardhuca të gjalla, disa prej të cilave ishin futur brenda çorapeve.
Daniel Isaac Velasco Baltazar, shtetas meksikan, kishte udhëtuar nga Koreja e Jugut drejt Japonisë. Gjatë kontrollit, zyrtarët zbuluan 22 palë çorape të mbushura me zvarranikë, ndërsa njëra prej hardhucave kishte ngordhur.
Sipas raportimeve, policia kishte marrë më herët një informacion anonim se një shtetas meksikan planifikonte të kontrabandonte zvarranikë në Japoni për t’i shitur në një panair lokal, shkruan Daily Star, transmeton Klankosova.t
Mes kafshëve të gjetura dyshohet se kishte edhe hardhuca të rralla meksikane, një specie e mbrojtur nga rregullat ndërkombëtare të tregtisë së kafshëve të egra.
Hetuesit dyshojnë se motivi ishte financiar. I riu raportohet se u ka thënë policëve se i kishte blerë hardhucat në Meksikë për rreth 3.5 deri në 5 dollarë secilën, ndërsa në Japoni mund t’i shiste për deri në 630 dollarë.
Rasti po hetohet nga autoritetet japoneze.
The post 23-vjeçari kapet me 200 hardhuca të gjalla në aeroport, i kishte futur në çorape brenda valixhes appeared first on Gazeta Express.
