Njohësi i çështjeve politike, Agon Maliqi, ka reaguar sërish lidhur me deklaratën e presidentit të Ukrainës, Volodymyr Zelensky, i cili gjatë vizitës në Serbi, ka thënë se qëndrimi i shtetit të tij për mosnjohjen e Kosovës si shtet të pavarur, nuk ka ndryshuar.
Maliqi, ka deklaruar se Ukraina e ka ndihmuar Kosovën ‘’shumë më shumë në mënyrë indirekte’’, dhe se, reagimi ndaj Zelenksyt është i kuptueshëm dhe i nevojshëm, por reagimet histerike ‘’nuk na bën nder’’.
‘’E fundit për këtë teme: Ukraina e ka ndihmuar Kosovën shumë ma shumë në mënyrë indirekte duke u bërë mburojë europiane ndaj Rusisë dhe duke ia dobësuar kësaj të fundit kapacitetin destabilizues, përfshi edhe në Ballkan. Po të mos rezistonte Ukraina siç ka bërë, sot ka shumë gjasë që edhe ne do të ishim në luftë, ose përballe një Serbie shumëfish ma të rrezikshme. Krejt Evropa u ka borxh për këtë punë. Njohja dikur vjen në moment me të përshtatshëm. Reagimi ndaj qëndrimit të Zelenskyt është i kuptueshëm dhe i nevojshem (shume i mirë nga ana institucionale) por edhe kalimi në reagime histerike e adoleshente nuk na bën nder’’, ka shkruar Maliqi.
The post Maliqi: Ukraina e ka ndihmuar Kosovën në mënyrë indirekte, reagimet histerike ndaj Zelenskyt s’na bëjnë nder appeared first on Gazeta Express.
