Deputeti i LDK-së, Armend Zemaj, i ka bërë ftesë deputetëve të Lëvizjes Vetëvendosje që të vijnë në Kuvend dhe bëjnë konstituimin e legjislativit të ri.
Përmes një videoje të publikuar nga Kuvendi, Zemaj tha se kjo situatë po e dëmton shtetin dhe mundin e sakrificën e atyre që kanë dhënë gjithçka për lirinë dhe pavarësinë e Kosovës.
“Kanë mbetur vetëm edhe dy orë për ta bërë konstituimin e Kuvendit, sipas afatit Kushtetues. LVV, përmes kryesuesit të Kuvendit, ka thirrur nesër seancës. Kjo nuk është e pranueshme, ligjërisht është gabim, është shkelje kushtetuerse dhe e dëmton demokracinë e vendit. Unë e ftoj LVV-në edhe në këto orë të mbetura të vijë e të bëjë konstituimin e Kuvendit të Kosovës”, tha Zemaj në këtë video.
Ai tha se nuk do të lejohet shkelja e Kushtetutës dhe kapja e shtetit “nga një parti e vetme dhe nga logjika të cilën po e shohim të gjithë”.
“Ndaluni sepse kjo po e dëmton shtetin, vullnetin e qytetarëve dhe mundin e të gjithë atyre që kanë dhënë gjithçka për lirinë dhe pavarësinë e Kosovës”, theksoi deputeti i LDK-së.
The post Zemaj: Ftoj VV të vijë e ta konstituojë Kuvendin, ftesa për seancë nesër e papranueshme dhe ligjërisht gabim appeared first on Gazeta Express.
