Sekretari amerikan i Shtetit, Marco Rubio, tha se është bërë “progres… por ende nuk ka marrëveshje përfundimtare” për një marrëveshje që do të siguronte transit të lirë përmes Ngushticës së Hormuzit, raporton CNN.
Diplomati më i lartë amerikan shprehu të martën shpresën se një marrëveshje e tillë “do të arrihet shumë shpejt”.
Ai tha se SHBA-ja është e përfshirë në negociatat mes Iranit dhe Omanit “për mënyrën se si më shumë anije mund të kalojnë në mënyrë të sigurt përmes saj, ndërsa ecim drejt këtyre bisedimeve afatgjata për çarmatimin bërthamor”.
Rubio pretendoi se ngushtica është “e hapur” dhe tha se nafta po kalon përmes kësaj rruge ujore me rëndësi jetike, por shtoi se përpjekja për ta rritur trafikun përmes saj është “marrëveshja e menjëhershme dhe ajo ku jemi të përqendruar”.
“Çarmatimi bërthamor i Iranit është marrëveshja përfundimtare”, tha Rubio gjatë një deklarimi për media, në praninë e zëvendëspresidentit të Paraguait.
The post Rubio: Është bërë progres… por ende s’ka marrëveshje përfundimtare me Iranin për Ngushticën e Hormuzit appeared first on Gazeta Express.
