Kryeministri izraelit Benjamin Netanyahu është paraqitur mbrëmjen e sotme në spitalin Hadassah në Ein Kerem, pranë Jeruzalemit, ndërsa zyra e tij sqaroi se qëllimi i vizitës ishte marrja e shërbimit dentar.
Deklarata sqaruese nga zyra e kryeministrit u publikua pasi mediat izraelite raportuan se Netanyahu ishte dërguar në spital.
Gjendja shëndetësore e 76-vjeçarit Netanyahu ka qenë nën vëzhgimin e mediave izraelite gjatë muajit të kaluar, kur ai njoftoi se i ishte nënshtruar me sukses një terapie rrezatimi për trajtimin e kancerit të prostatës në fazë të hershme, pa specifikuar megjithatë kohën e saktë të trajtimit.
Kryeministri izraelit ka deklaruar se ka vonuar publikimin e raportit mjekësor për dy muaj, me qëllim që të mos lejonte Iranin të përhapte “propagandë kundër Izraelit” në kohë lufte.
Në korrik të vitit 2023, Benjamin Netanyahu iu nënshtrua një ndërhyrjeje për vendosjen e një stimuluesi kardiak (pacemaker), ndërsa në vitin 2024 ai kishte kryer gjithashtu një operacion në prostatë.
The post Benjamin Netanyahu paraqitet në një spital pranë Jeruzalemit, zyra e tij sqaron situatën shëndetësore appeared first on Gazeta Express.
