Hykmete Bajrami nga LDK-ja ka reaguar ashpër, pasi Qeveria në detyrë e Albin Kurtit ndau 2 milionë euro për linjat ajrore përmes të cilave udhëtojnë mërgimtarët, në prag të zgjedhjeve të 7 qershorit.
Ajo ka thënë se kurrë në histori të Kosovës nuk ka ndodhur keqpërdorim më i madh i buxhetit të Kosovës.
Bajrami ka thënë se kjo është e papranueshme dhe e turpshme, duke thënë se janë paratë e punëve që nuk u kryen.
Postimi i plotë:
E turpshme. E papranueshme. Keqpërdorim klasik i buxhetit në kohë zgjedhjesh.
Para një jave ndau rreth 100 milionë euro. Sot edhe 2 milionë të tjera për bileta. 100-she, 500-she, subvencione e bileta – krejt këto jo pse Kurti brengoset për ju, po sepse ju votoni me 7 qershor.
Mos harroni: këto janë paratë e rrugëve që nuk u kryen, shkollave e çerdheve që nuk u ndërtuan, digjitalizimit të arsimit që nuk nisi asnjëherë, barnave që mungojnë në spitale dhe naftës që e keni paguar më shtrenjtë.
Mbi të gjitha janë paratë tuaja e tonat me të cilat po tentohet të blihet vota juaj me 7 qershor e me të edhe heshtja juaj për 4 vjet.
Kurrë në historinë e Kosovës nuk ka ndodhë keqpërdorim kaq i madh i buxhetit në prag të zgjedhjeve.
Turp.
The post “2 milionë euro për bileta” Hykmete Bajrami: Kurrë në historinë e Kosovës s’ka ndodhur keqpërdorim më i madh i buxhetit appeared first on Gazeta Express.
