Vidhet motoçikleta rreth 2 mijë euro në Fushë Kosovë

Një person ka raportuar në stacionin policor se i është vjedhur motoçikleta tre-rrotëshe nga persona të panjohur në Fushë Kosovë.

Sipas raportit 24-orësh të Policisë së Kosovës, rasti ka ndodhur më 23 qershor, ndërsa ankuesi, mashkull kosovar, ka njoftuar policinë se persona të panjohur kanë vjedhur motoçikletën e tij, vlera e së cilës llogaritet të jetë rreth 2 mijë euro.

“Policia ka nisur hetimet për rastin dhe identifikimin e të dyshuarve, ndërsa rasti po trajtohet nga njësitet relevante hetimore”, thuhet në raportin policor./Telegrafi/