Gjenerali rumun Dorin Ioniță është gjetur i vdekur në një pronë në qarkun Prahova, ndërsa policia ka nisur hetimet për të zbardhur rrethanat e ngjarjes.
Sipas autoriteteve, bashkëshortja e tij kishte njoftuar policinë gjatë natës pasi gjenerali ishte larguar nga shtëpia me një armë dhe nuk i përgjigjej telefonit.
Forcat e policisë dhe ekipet e emergjencës nisën kërkimet, ndërsa më vonë trupi i 61-vjeçarit u gjet nga një i afërm.
Ioniță ishte i regjistruar si pronar ligjor i një pistolete Glock dhe hetuesit po verifikojnë nëse arma ka lidhje me vdekjen e tij.
Gjenerali kishte shërbyer në misione ndërkombëtare dhe kishte mbajtur poste të rëndësishme në strukturat e Forcave të Armatosura rumune.
Autoritetet thonë se hetimi vazhdon për të përcaktuar kohën dhe shkakun e saktë të vdekjes, si dhe nëse bëhet fjalë për një akt të qëllimshëm apo aksidental. /Telegrafi
The post U largua nga shtëpia me armë, gjenerali rumun gjendet i vdekur – zbulohen detajet e para appeared first on Gazeta Express.
