“Tirana dikur kishte rryma kulturore”, Andoni: Elita shqiptare nuk konkurron më përmes ideve, por përmes pasurisë dhe influencës

Gazetari dhe analisti Ben Andoni ka bërë një krahasim mes elitavës ekonomike të Shqipërisë së viteve ’30 dhe asaj të ditëve tona, duke argumentuar se gara për ide dhe kulturë është zëvendësuar nga gara për pasuri dhe ndikim politik.

I ftuar në episodin e kësaj jave të Apostrof Podcast nga Bjorn Runa, Andoni u ndal tek mënyra sesi Tirana e dikurshme kishte hapësira ku mblidheshin rryma të ndryshme kulturore dhe intelektuale.

Duke iu referuar hapësirave të tilla si “Kursali,” “Berlini,” apo “Venecia” në Shqipërinë e viteve ’30-të, Andoni përshkruan se si komunitete të ndryshme kulturore dhe intelektuale dikur mblidheshin rreth ideve, debateve politike apo filozofike.

Sipas Andonit, veç funksionit social dhe ekonomik, këto zona shërbenin edhe si zona debati kulturor dhe filozofik.

“Sot, këta njerëz nuk e kanë mundësinë për të ngritur rrethe të tilla,” thotë Andoni, ndërsa shton se elita e sotme e vendit mbetet e përqëndruar te akumulimi i pasurisë dhe influencës mbi politikën dhe ligjet.

Sipas Andonit, gara e sotme nuk zhvillohet më rreth ideve apo kulturës, por rreth mënyrës sesi pasuria mund të zgjerohet dhe të forcohet ndikimi mbi politikën .

“Tani janë garë se si të përsosin ligje, të cilati fusin parlament dhe, nga ana tjetër, se si të barazohen me të kamurit e tjerë në Ballkan”, tha ai.

Ai shtoi gjithashtu se elita ekonomike shqiptare duket më komode duke u krahasuar me realitetin ballkanik sesa me Europën Perëndimore, ku sipas tij përballja me ligjin dhe institucionet është më e fortë./Gazeta Tema/

The post “Tirana dikur kishte rryma kulturore”, Andoni: Elita shqiptare nuk konkurron më përmes ideve, por përmes pasurisë dhe influencës appeared first on Gazeta Express.