Kosova të enjten do të ketë një mot më të freskët krahasuar me ditët e fundit, ndërsa temperaturat pritet të shënojnë një rënie të lehtë.
Sipas parashikimeve meteorologjike, pjesa më e madhe e vendit do të mbetet pa reshje. Megjithatë, në disa zona të izoluara nuk përjashtohet mundësia për reshje të dobëta shiu.
Temperaturat minimale pritet të zbresin në rreth 18°C, ndërsa gjatë orëve të pasdites temperaturat maksimale mund të arrijnë deri në 29°C.
Gjatë mesditës, indeksi UV do të jetë në nivel të lartë, ndaj qytetarët këshillohen të shmangin qëndrimin e gjatë në diell dhe të përdorin masa mbrojtëse, veçanërisht gjatë orëve me rrezatim më të fortë.
Në përgjithësi, e enjtja pritet të sjellë kushte më të buta atmosferike, me temperatura verore, por më të përballueshme se ditët e fundit.
