Sipas dy personave të njohur me çështjen, Jensen Huang – i cili u largua nga posti i CEO-s së Nvidia-s – ka pasur një marrëdhënie intime edhe me një punonjëse të dytë, bën të ditur agjencia Reuters.

Ky zbulim pason dy lidhje të tjera jashtëmartesore, të cilat çuan në dorëheqjen e tij të enjten.

Dy gratë në fjalë janë Alice Huang – për të cilën shërbimet amerikane të inteligjencës dyshojnë se është spiune kineze – dhe Kimberly Powell, nënkryetare e Nvidia-s për sektorin e kujdesit shëndetësor.

Reuters nuk e bën të ditur emrin e punonjëses së dytë.

Sipas mediumit në fjalë, përcjell Telegrafi, përpjekjet për të kontaktuar me të kanë qenë të pasuksesshme.

Nvidia nuk pranoi të komentonte, gjithashtu.

Powell, Jensen Huang dhe një përfaqësues i bordit të Nvidia-s nuk iu përgjigjën kërkesave për koment.

Edhe Alice Huang nuk mundi të kontaktohej për një prononcim.

Në një deklaratë të datës 8 nëntor, pas raportimeve për marrëdhënien e tij me Alice Huang, Jensen Huang pranoi se kishte pasur një lidhje, pa e përmendur atë me emër. /Telegrafi/