“COVID-19 u lejua të përhapej me shpejtësi vdekjeprurëse” – çfarë zbuloi hetimi për pandeminë në Britani?

“COVID-19 u lejua të përhapej me shpejtësi vdekjeprurëse” – çfarë zbuloi hetimi për pandeminë në Britani?

“COVID-19 u lejua të përhapej me shpejtësi vdekjeprurëse” – çfarë zbuloi hetimi për pandeminë në Britani?

Britania e Madhe ishte e papërgatitur për përballjen me pandeminë COVID-19, ndërsa mungesa e testimeve dhe masave të hershme bëri që virusi të përhapej pothuajse pa kontroll gjatë tre muajve të parë të krizës, ka konstatuar një raport zyrtar i hetimit për pandeminë.

Sponsor 3M Express

Raporti prej 245 faqesh, i udhëhequr nga baronesha Heather Hallett, thekson se qeveria britanike nuk kishte kapacitete të mjaftueshme për testimin, gjurmimin e kontakteve dhe izolimin e personave të infektuar.

Megjithëse shkencëtarët kishin zhvilluar një test efektiv që në mesin e janarit 2020, për disa muaj nuk ekzistonte një sistem i gjerë testimi dhe gjurmimi.

“COVID-19 u lejua të përhapej me shpejtësi vdekjeprurëse në të gjithë vendin”, thuhet në raport.

Sipas Hallett, mungesa e testimeve e la qeverinë praktikisht pa një pasqyrë të qartë të përhapjes së virusit, duke rritur mundësinë që më vonë të nevojiteshin masa më kufizuese, përfshirë izolimin e përgjithshëm të popullsisë.

Raporti kritikon gjithashtu mungesën e kontrolleve kufitare dhe vendimin për të lejuar udhëtimet ndërkombëtare pothuajse pa kufizime gjatë gjashtë muajve të parë të vitit 2020.

Autorët vlerësojnë se vendosja e hershme e karantinës 14-ditore për udhëtarët që hynin në Britani mund të kishte ndikuar ndjeshëm në ngadalësimin e përhapjes së virusit.

Në krahasim me Britaninë, vende si Singapori, Australia dhe Gjermania ishin më të përgatitura dhe regjistruan norma dukshëm më të ulëta të vdekshmërisë gjatë gjashtë muajve të parë të pandemisë.

Megjithatë, raporti pranon se qeveria britanike më vonë investoi burime të konsiderueshme dhe krijoi një sistem shumë më efektiv të testimit dhe gjurmimit.

Hetimi thekson gjithashtu se shumë qytetarë që duhej të izoloheshin u ndien të braktisur për shkak të mungesës së mbështetjes financiare dhe praktike.

Ky është raporti i shtatë nga dhjetë pjesët e hetimit zyrtar britanik për menaxhimin e pandemisë COVID-19. /Telegrafi/

Lexo edhe

Kurti paralajmëron rrezikun për Lojërat Mesdhetare 2030: Ka mungesë uniteti, Prishtina po na sjell në këtë situatë

Kurti paralajmëron rrezikun për Lojërat Mesdhetare 2030: Ka mungesë uniteti, Prishtina po na sjell në këtë situatë

Shiroka Pula takon ambasadorin belg, diskutojnë integrimin euroatlantik dhe bashkëpunimin ekonomik

Shiroka Pula takon ambasadorin belg, diskutojnë integrimin euroatlantik dhe bashkëpunimin ekonomik

Dita e dytë e vizitës: Jakup Krasniqit nuk i lejohet as sot t’i takojë vëllezërit (VIDEO)

Dita e dytë e vizitës: Jakup Krasniqit nuk i lejohet as sot t’i takojë vëllezërit (VIDEO)