Zjarri që shpërtheu sot pasdite në zonën e ish-kompleksit industrial “Zhelezara” në Shkup është shuar plotësisht, njoftojnë shërbimet kompetente.
Zjarri shpërtheu rreth orës 17:00 në një depo për ngjyra dhe llaçe në bulevardin “Aleksandar Makedonski”. Për shkak të llojit të materialeve në depo, mbi vendin ngrihej tym i zi i trashë, i cili ishte i dukshëm nga disa pjesë të qytetit.
Sipas informacioneve nga Qendra e Menaxhimit të Krizave (QMK), në shuarjen e tij morën pjesë ekipe nga Brigada Zjarrfikëse me gjashtë automjete zjarrfikëse dhe 20 zjarrfikës.
Zjarri është lokalizuar dhe është shuar plotësisht, ndërsa deri më tani nuk ka informacione për persona të lënduar.
Shkaqet e zjarrit do të përcaktohen më tej. Shërbimet kompetente do të inspektojnë vendin, pas së cilës priten më shumë informacione rreth rrethanave në të cilat shpërtheu zjarri.
