Shtatë raste të dhunës në familje janë raportuar në 24 orët e fundit në Lipjan, Prishtinë, Fushë-Kosovë, Pejë, Klinë, Malishevë dhe Gjakovë. Katër persona u dërguan në mbajtje.
Sipas raportit 24 orësh të Policisë, në Lipjan u arrestua një person nën dyshimin për dhunë në familje.
“Lipjan / 28.09.2026 – 22:00. Më 29.08.2026 raportohet se djali i ankuesit m/k, i dyshuari m/k vazhdimisht shkakton probleme në shtëpi. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në njoftim.
Në Prishtinë, një person dyshohet se shkoi ta merrte nga puna bashkëshorten dhe pas një fjalosje e ka sulmuar fizikisht.
“Prishtinë / 29.08.2026 – 15:00. Raportohet se bashkëshorti i viktimës f/k, i dyshuari m/k ka shkuar te puna e saj për ta marr, dhe pas një mosmarrëveshje verbale e ka sulmuar fizikisht. Palët janë intervistuar dhe me vendim të prokurorit janë liruar, rasti në procedurë të rregullt”, njofton Policia.
Në Fushë-Kosovë u arrestua një i dyshuar për dhunë në familje.
“Fushë Kosovë / 28.08.2026 – 19:30. Lidhur me rastin është raportuar se me 29.08.2026 është arrestuar i dyshuari m/k dhe pas intervistimit me vendim të prokurorit është dërguar në mbajtje”, njofton Policia.
E në Pejë, një çift kanë raportuar se kunati i ka kanosur me thikë dhe i ka sulmuar fizikisht, si dhe u ka shkaktuar dhunë psikike.
Rasti u iniciua si “Lëndim i lehtë trupor” dhe “Dhunë në familje”, kurse i dyshuari u arrestua.
“Pejë / 29.08.2026 – 14:00. Dy viktimat (femër dhe mashkull – bashkëshort) kanë raportuar se vëllai- kunati i tyre, i dyshuari m/k duke i kanosur me thikë i ka sulmuar fizikisht ata, ndërkohë ka ushtruar edhe dhunë psikike ndaj tyre. I dyshuari është arrestuar dhe pas intervistimit me vendim të prokurorit është dërguar në mbajtje”, njofton Policia.
Kurse, në Klinë një person u arrestua nën dyshimin se sulmoi gruan.
“Klinë / 28.09.2026 – 22:00. Më 29.08.2026 raportohet se viktima f/k është sulmuar fizikisht nga bashkëshorti i saj i m/k. Viktima nuk ka dashur trajtim mjekësor. I dyshuari është arrestuar dhe pas intervistimit me vendim të prokurorit është liruar në procedurë të rregullt”, thuhet në njoftim.
Edhe në Malishevë u arrestua i dyshuari për shkaktim të dhunës vazhdimisht ndaj bashkëshortes dhe familjarëve.
Rasti u iniciua si “Dhunë në familje” dhe “Mospërfillje e gjykatës”.
“Malishevë / 29.08.2026 – 14:00. Është arrestuar i dyshuari m/k për shkak se në vazhdimësi ka ushtruar dhunë ndaj bashkëshortes së tij dhe anëtarëve tjerë të familjes. Të dyshuarit i është bërë alkool-testi që ka rezultuar 1.60 promil. Me vendim të prokurorit i dyshuari është dërguar në mbajtje”, thuhet në njoftim.
Ndërkaq, në Gjakovë një grua raporton se pasi vendosën të ndahen me bashkëshortin, ai ia mori fëmijën me dhunë. Më urdhër të prokurorit, fëmija iu kthy asaj.
“Gjakovë / 29.08.2026 – 18:40. Viktima f/k ka raportuar se pas një mosmarrëveshje bashkëshorti i saj, i dyshuari m/k me të cilin kanë qenë duke bashkëjetuar ka vendosur të ndahet por me dhunë i ka marrë fëmijën e tyre. Viktima ka pranuar tretman mjekësor ndërsa me urdhër të prokurorit fëmija i është dhënë viktimës. Palët pas intervistimit janë liruar në procedurë të rregullt”, njofton Policia.
