Ministri i Brendshëm në detyrë, Xhelal Sveçla, ka pritur në takim shefin e ri të EULEX’it, Antero Lopes.
Në njoftim bëhet e ditur se, Sveçla ka falënderuar EULEX’in për kontributin e vazhdueshëm dhe bashkëpunimin me institucionet e Kosovës, përcjell Gazeta Express.
‘’ Gjithashtu, Ministri Sveçla shprehu mirënjohje edhe për mbështetjen e dhënë nga EULEX gjatë gërmimeve të zhvilluara në varrezat masive në Zubin Potok’’, thuhet mes tjerash në komunikatë.
Komunikata:
Ministri i Punëve të Brendshme, z. Xhelal Sveçla, priti sot në një takim njoftues shefin e ri të Misionit të Bashkimit Evropian për Sundimin e Ligjit në Kosovë (EULEX), z. Antero Lopes, të cilin e uroi për detyrën e re.
Me këtë rast, ministri Sveçla falënderoi EULEX-in për kontributin e vazhdueshëm dhe bashkëpunimin me institucionet e Republikës së Kosovës. Gjithashtu, Ministri Sveçla shprehu mirënjohje edhe për mbështetjen e dhënë nga EULEX gjatë gërmimeve të zhvilluara në varrezat masive në Zubin Potok.
Gjatë takimit, ministri Sveçla dhe z. Lopes diskutuan për rëndësinë e bashkëpunimit ndërmjet institucioneve të Kosovës, EULEX-it dhe partnerëve të tjerë.
Ministri Sveçla ritheksoi përkushtimin për fuqizimin e sundimit të ligjit dhe theksoi rëndësinë e thellimit të mëtejshëm të bashkëpunimit.
The post Sveçla pret shefin e ri të EULEX’it Lopes – E falënderon për ndihmën gjatë gërmimeve në Zubin Potok appeared first on Gazeta Express.
