Burim Ramadani është regjistruar sot si deputet i Aleancës në Kuvendin e Kosovës, në kuadër të Legjislaturës së 11-të.
Përmes një deklarate, Ramadani tha se shërbimi për sigurinë kombëtare mbetet në qendër të angazhimit të tij publik dhe politik.
“Siguria e mbrojtja duhet të na bashkojnë secilin e secilën,” u shpreh ai.
Ramadani rikthehet në Kuvend pas 12 vjetësh, pasi më herët kishte ushtruar mandatin e deputetit në Legjislaturën e 4-të. Ai theksoi se besimi i qytetarëve i ka mundësuar rikthimin në institucionin ligjvënës.
Si nënkryetar i Aleancës, Ramadani u shpreh krenar për, sipas tij, vendosmërinë e partisë për të garantuar dhe promovuar sigurinë kombëtare, si dhe për të përfaqësuar interesin e qytetarëve.
The post Ramadani regjistrohet si deputet: Siguria Kombëtare mbetet thelb i angazhimit tim politik appeared first on Gazeta Express.
